主子的基本需要

想主子健康快樂，第一步就係要好好滿足主子的基本需要。好多所謂主子的行為問題，其實都只係基本需要未有得到滿足。聽落好以好簡單，但係其實你真係知道點先係「滿足」主子需要嗎？

食物
奴才當然會向主子進貢食物，要記住的係貓是肉食動物，身體結構完全係為消化肉類及吸收肉類蛋白質而設，當然適量的植物是可以的，例如貓草，但千萬唔可以給主子吃純素！
水
要24小時無限量供應淡水，尤其是只吃乾糧的主子。主子對水的清潔度係有要求的，所以水一定要新鮮乾淨。好多奴才都聽過/見過主子鍾意水龍頭的水，其中一個原因可能就係奴才準備的水已經唔夠乾淨，於是去找其他覺得清潔的水。
貓砂盆
要準備足夠的貓砂盆，基本數量係主子總數再加一，例如在兩隻主子的家中，應該有三個貓砂盆；三隻主子就要四個，如此類推，再多更好。有一點要注意的是，放在一起的貓砂盆，主子看來其實只算作一個，所以每個都要放在不同的位置。貓砂盆亦要放係安靜的地方，size 要有主子由鼻至屁股長度1.5倍咁長，貓砂亦要夠多夠厚，以免主子抓砂時抓到盆底。
貓抓板
磨爪是主子的自然本能，基本上不可能制止，所以，想避免家具或梳化被主子抓爛，就要為牠們提供貓抓板。貓抓板應該放在當眼位置，貓咪對貓抓板可能有偏好，所以奴才應該提供唔同形式(平放或垂直)和物料(木/瓦通紙/麻繩)的板俾主子選擇，而無論什麼類型，貓抓板一定要夠穩固，主子才真的磨到爪，否則牠們係唔會用的。